مشهد جريء.. لماذا رفضت هند رستم العمل مع العندليب؟

تحدثت بسنت رضا ابنة الفنانة الراحلة هند رستم، عن سر رفض والدتها فيلم أبي فوق الشجرة مع عبد الحليم حافظ، وأسماء أفلام أخرى رفضتها.

هند رستم ترفض العمل مع العندليب

وأوضحت خلال لقائها ببرنامج "الستات" الذي تقدمه الإعلامية سهير جودة بقناة "النهار": "هند رستم اتجوزت محمد فياض سنة 1960 وسابت السينما 1978 وقعدت 18 سنة بتمثل أحلى أفلامها، وعمره ما اتدخل في حاجة ليها وكانت بتعمل حسابه وحسابي في مشاهد معينة ترفضها.

وتابعت: ورفضت فيلم أبي فوق الشجرة علشان مشهد قالت مش عايزاه يتعمل وقالت للمخرج هسيب الفيلم لو صممت عليه، كانت هتلعب دور نادية لطفي والدور كان بتاعها من الأول بس رفضت العمل بسبب مشهد أول ظهور ليها في الكباريه لما يشوفها عبد الحليم حافظ وهي حاطة مراية علي بطنها وصورة عبد الحليم بتطلع فيها فقالت المشهد مش ظريف ومش هاعمله لإنه مش فني ولا ليه داعي وسابت بسببه العمل".

أفلام رفضتها هند رستم

واختتمت: "هند رستم رفضت فيلم المرأة المجهولة مكان شادية، وابتدت تصوير العمل وبعدين حصل خلاف بين المنتج والمخرج حسن الإمام فسابت العمل تضامنا مع انسحاب حسن الإمام، وتركت فيلم السفيرة عزيزة لما حست ان العمل قليل عليها وانه مش لايق عليها زي سعاد حسني، وفيلم النضارة السوداء كان بتاعها مش نادية لطفي وكانت هتشتري القصة من إحسان عبد القدوس بس حصل حاجة معينة دفعتها تسيب العمل".