حمو بيكا: اللي يتكلم عن مصر وحش لازم يتحاسب

تحدث مؤدي المهرجانات حمو بيكا عن إنجازات الرئيس السيسي، ووجه رسالة شكر للرئيس، بعد ما قدمه من إنجاز حضاري في مدينة العلمين الجديدة، حيث قال إنه لم ير الأبراج في حياته إلا في عهده، كما دعى العالم، لزيارة مصر.

تصريحات حمو بيكا 

وقال حمو بيكا خلال تصريحات تلفزيونية له:" بشكر الرئيس عبد الفتاح السيسي اللي بعشقه على الإنجازات، ربنا يخليه لينا إحنا بقينا في حاجة جميلة إحنا مشُفناش العلمين ولا شُفنا الأبراج، غير على إيد سيادة الرئيس".

حمو بيكا يشكر الرئيس السيسي
وتابع حمو بيكا: "إحنا بندعي كل العالم إنهم ييجوا هنا، عندنا في مصر حياة جميلة، والأرقام اللي بيسمعوها عن الساحل الشمالي مش موجودة هنا خالص، أنا بقالي شهرين قاعد هنا، كل العالم لازم ييجي مصر".

وأضاف:" سيبكم من اللي بيقول أسعار 15 ألف و20 ألف مفيش الكلام ده، أنت ممكن تيجي بـ 1000 أو 500 جنيه تنبسط، الأرقام اللي ناس بتقولها مش حقيقي لو معاك 500 جنيه، هتجي تأكل وتشرب وتتفسح، إزازة المية على الشاطئ بـ 20 جنيه، وبره بـ 5 جنيه و6 جنيه عادي".

وطالب بيكا بفرض قانون، لمحاسبة كل من يسيء إلى سمعة مصر، بعد جدل أسعار الساحل الشمالي الذي وصفه البعض بـ الساحل الشرير، نظرًا لارتفاع الأسعار هناك كما يزعم كثيرون.

وقال حمو بيكا خلال حواره مع الإعلامية بسمة وهبة مقدمة برنامج 90 دقيقة: "في ناس بتسيء لصورة مصر بطريقة وحشة، أنا بنزل كل الدول، ومش بنسمع حد بيقول حاجة على بلده عشان في قانون".

وتابع حمو بيكا: "والقانون ده لازم يتطبق على الناس اللي ملهاش أي عازة وبتسيء لمصر، لازم اللي يتكلم عن مصر يتحاسب قدام العالم، عشان محدش  يقول حاجة على مصر بعد كدة".