والد ضحية عمه: ابني قالي عمي ضرب أخويا بالشومة وكان رابطه بحبل والسبب الشيشة

كشفت التحقيقات في قضية تعرض صبي لاعتداء على يد عمه لمدة 50 دقيقة، بسبب شرب المجني عليه السجائر مما دفع المتهم إلى الاعتداء عليه باستخدام خرطوم وتقييده بحبل حتى أنهى حياته.

  وقال والد المجني عليه: أنا مراتي متوفية وأنا مخلف ثلاث عيال ولدين وبنت، ومن حوالي أربعة أيام أنا رحت قاعدت عند أخويا عشان الشقة بتاعتي غرقة مياه وكنت محتاس بالعيال وامبارح الساعة 3:00 العصر رجعت البيت لقيت أمير أخويا الصغير ضارب ولادي على وشهم وساعتها أمير قال إن ولادك بيشربوا سجائر وأنا ضربتهم.

وتابع والد المجني عليه: أنا ساعتها قلت لا خويا متضربهمش حرام عليك دول شوية عيال صغيرة وأخذت بعضي وسبت عيالي في البيت مع عمهم عشان أنزل أكمل بقيت الشغل، وبعدين على الساعة 6:30 مساءا لقيت الناس في الشارع بتقولي أخوك بيدور عليك، وبيقول إن ابنك تعبان وساعتها أنا سبت الشغل وروحت جري لبيت أخويا وأول ما وصلت لقيت ابني مرمى في الأرض.

وأضاف والد المجني عليه: بعدها سألت أخويا إيه اللي حصل راح قال لي ابنك فضل يرجع وعمل حمام على روحه وبعدين روحت أنا واخد ابني وطالع بيه على المستشفى، وأول ما وصلت هناك قالوا لي ابنك مات وأنا اخذت بالي أن ابني فيه إصابات في وشه.

وأشار والد المجني عليه: لما تأكدت أن ابني توفى بطريقة مش طبيعية رحت في ساعتها كلمته وقولت له تعالى على المستشفى، وهات ابني التاني معاك، وبعديها بعشرة دقائق لقيته جالى ومعاه ابنى التاني، وروحت واخده على جمب وسألته ايه اللي حصل فقال لي عمي ضرب أخويا بالشومة وكان رابطه بحبل عشان لعب في الشيشة بتاعته.