ألغي حفلاته بسبب أحداث غزة.. تامر حسني: ياريت نقرب لربنا ونفتح القرآن

طالب الفنان تامر حسني بالتقرب إلى الله خلال هذه الفترة، وقراءة القرآن الكريم، وذلك بعد أن ألغى عدة حفلات له حول العالم تأثرا بالأحداث.

تعليق تامر حسني على الأحداث

وعلّق تامر حسني علي الأوضاع الراهنة، عبر صفحته على موقع التواصل الاجتماعي فيس بوك.

وكتب:"احنا في فتره من حياتنا عمرنا ما عدينا بيها قبل كده والكل تعبان وكتير مننا محتارين وكتير تايهين ومستغربين  و مش مصدقين اللي بيحصل و اللي شايفينه قدام عنينا".

وأضاف تامر:"دلوقتي كنت بسمع شيوخ كتير بيتكلموا عن اننا لازم نقرب لربنا عشان ده الحل الوحيد لكل الاديان عشان نخرج من الضلمه اللي عايشينها للنور …روحت ماسك القرآن فجأه و فتحته و قولت ياترا لما أفتح  عيني هتيجي على اي آيه … فتحت و عيني جت على الآيه دي … الحقيقه مفيش اشاره اوضح من كده اللي عايزه يشوفها صدفه او اشاره بتقدير من ربنا .. "

وأختتم:"في النهايه  اننا نقرب لربنا اكتر اكيد حاجه احسن و اكيد احسن اننا نفتح القرآن و نقرا فيه و لو صفحه اياً كانت عنينا نزلت على اي آيه  ..قراءة القرآن في حد ذاته اصلاً ثواب كبير …   سبحان الله و بحمده جمعه مباركه على الجميع ".

واعتذر الفنان تامر حسني عن جولة غنائية عالمية من 20 حفلة في أشهر بلدان العالم و40 حفل زفاف داخل وخارج مصر، وذلك تضامنا مع أحداث غزة.