عمرو مصطفى: مش هلحن أغاني تاني لحد إلا لو هيدفع فلوس

حرص الفنان عمرو مصطفى، على الإبداء برأيه والتعليق على الجدل المثار حول لقب صوت مصر، الذي تنافس عليه، كل من الفنانة شيرين عبد الوهاب والفنانة أنغام، خلال الفترة الماضية.

تصريحات عمرو مصطفى 

وقال عمرو مصطفى خلال لقائه لبرنامج ET بالعربي: "الاتنين صوت مصر بصراحة لأن ليهم تاريخ فمتقدرش تحدد لكن الشعوب هي اللي حددت وبتقول ده يلقب بإيه".

وعن أعماله الفنية، أضاف عمرو مصطفى: "أنا فاضي للمشروعات بتاعتي، وأي مطرب هيطلب مني أغنية يديني صوته، وأنا اللي بنتج لي شكل الأغنية، ومش هلحن أغاني تاني لحد إلا بشرط لو هيدفع فلوس كتيرة جدًا".

مشروع إعادة إحياء التراث 

وتحدث عن فكرة استخدامه تقنية الذكاء الاصطناعي لإعادة إحياء أصوات الفنانين، قائلًا:" أنا شايف أن ورثة كل العظماء اللي توفوا جاتلهم الفرصة إنهم يحيوا ذكراهم بأغنية جديدة، الورثة نفسهم ممكن يختاروها وكمان الجمهور، وأنا بعتبر مي فاروق من أهم الأصوات المصرية".

وأضاف عمرو مصطفى: "مش غرور بس أنا اسمي وشغلي والـ 30 سنة اللي اشتغلتهم يسمحولي إني أجرب وأشوف، الصناعة وصلت لدرجة كبيرة من الانحدار في وطننا العربي كله، وعشان نقدر نعمل حاجة نرتقي بيها بالشعوب العربية رجعنا للتراث والمزيكا والموسيقى الشرقية".