عمر كمال يستفز الجمهور بنظارة سعرها يصل إلى 16 ألف جنيه

ظهر الفنان عمر كمال، بفيديو له، ظهر فيه وهو يردد أغنيته الجديدة، إحنا ركبنا وعدينا، وظهر عمر في الفيديو مرتديًا نظارة باللون الأسود، لفتت نظر متابعيه.

نظارة عمر كمال

والنظارة التي ارتداها عمر كمال، من براند Gucci الإيطالي، ووصل سعرها إلى 492 يورو، وهو ما يُعادل 16 ألف جنيه تقريبًا.

عمر كمال والذكاء الاصطناعي

ونشر عمر كمال الفيديو، عبر حسابه الشخصي بموقع التواصل الاجتماعي فيسبوك، وهو يردد كلمات أحدث أعماله الغنائية، “يا بيبي”، والتي جاءت كلماتها كالتالي: إحنا ركبنا وعدينا، بشقانا وجري إيدينا وبندلع من جبنا ومفيش حد خيره علينا، طبع العنطزة مش فينا بس واجهة ويكفينا، لينا طلة ولينا قبول ربنا مدينا.

علق الفنان عمر كمال على حالة الجدل، التي أثيرت في الفترة الأخيرة بعد إعلان عمرو مصطفى إعادته تقديم أغاني كوكب الشرق عن طريق الذكاء الاصطناعي، مشيرا إلى أن الذكاء الاصطناعي يفيد الملحنين والموزعين، لكنه لا يستطع أن يقدم الصوت الحقيقي للمطرب.

وكتب عمر كمال منشورًا، عبر حسابه الشخصي بموقع التواصل الاجتماعي فيس بوك قال فيه: طب لو افترضنا إن فيه برنامج، عرف يجيب صوت أم كلثوم مثلا وده مش هيحصل أصلا، لأن ده صوت نازل بالجودة بتاعته من السما ملهوش بديل.

وتابع: هتجيب إحساسها منين ووجعها، وهي بتقول وعايزنا نرجع زي زمان قول للزمان ارجع يا زمان، هتجيب منين الشموخ والكبرياء اللي في صوتها وهي بتقول بدي أشكيلك من نار حبي، بدي أحكي لك على اللي في قلبي، وأقولك على اللي سهرني، وأقولك على اللي بكاني وأصورلك ضنا روحي وعزة نفسي منعاني.

وأوضح عمر كمال: صوت الإنسان عبارة عن إحساسه، وتجارب حياته اللي عاشها كل ده بيصنع صوته، وملامح صوته استحالة أي حد مش برنامج، بس يعرف يجيب إحساس حد أو حتى عوربة حزن أو إحساس جملة قالها الصوت الحقيقي، الذكاء الاصطناعى حلو جدًا للموزعين والملحنين هيخليهم يبيعوا شغل كتير بجد.

واختتم: لأنه ممكن يبعت للمطرب أو المطربة أغنية خلصانة كلام، ولحن وتوزيع متغني بالذكاء الاصطناعى، بصوت بلاستيك قريب من صوته، فالمطرب هيشوف نفسه في الموضوع على طول، وهيعرف أن الأغنية بتاعته، ولايقة عليه جدًا.