عمرو محمود ياسين يخرج عن صمته ويرد على اتهامات برنسة عبدالغني

أعرب السيناريست عمرو محمود ياسين، عن اندهاشه من تصريحات الفنانة برنسة عبد الغني، والذي اتهمته بأنه ضيّع مسلسلا سلمته له يحكي عن مشوار حياتها الفنية.

عمرو محمود ياسين يرد على برنسة عبدالغني

وكتب عمرو محمود ياسين، منشورًا عبر حسابه الشخصي بموقع التواصل الاجتماعي فيسبوك، وقال: يا أستاذة برنسة تحياتي ليكي أولا، ثانيًا حضرتك كنتي قابلتيني وإحنا بنصور مسلسل ونحب تاني ليه، على ما أتذكر ولاقيتك من تلقاء نفسك جايبالي ملخص، وقولتي لي اقراه عشان عايزة إني أعمله مسلسل وقتها كنا لسه بنصور وما قدرتش أقراه وقتها.

وأضاف عمرو محمود ياسين: قريته بعد كده لما اتصلتي بيا فكرتيني به بعد فترة طويلة، وقتها أنا قريته وللأسف مالقتش فكرة مناسبة له.. وحضرتك ماكلمتينيش تاني وأنا ماتصلتش برضه، وده تقصير مني بعتذر عنه، لكن مش عارف جبتي منين حكاية إني أنا ضيعته ؟؟ مش عارف جبتي الفكرة دي منين؟؟.

واختتم عمرو محمود ياسين: الملخص بتاعك في الحفظ والصون زي ما هو وتقدري تاخديه وقت ما تحبي وربنا يكرمك.

تصريحات برنسة عبد الغني

وكانت الفنانة برنسة عبد الغني قد أكدت أنها أرسلت له 5 صفحات عن قصة حياتها ولكنه ضيعهم، وقالت: كنت عايزة  قصة حياتي تتعمل في عمل فني وكتبت خمس صفحات.

وأضافت: واديتهم للمؤلف عمرو محمود ياسين على أساس هو يكمل لاني كتبت ملخص خدها ضيعها وقالي كده لما كلمته ولو هعمل قصة حياتي هختار مريم نعوم.