ميمي جمال: حسن مصطفى كان هيطلقني بسبب شال!

كشفت الفنانة ميمي جمال، عن أسرار زواجها من الفنان الراحل حسن مصطفى وانفصالهما بسبب الغيرة، وذلك خلال لقائها مع الإعلامي عمرو الليثي في برنامج "واحد من الناس".

شال كان هيتسبب في طلاقهما

وروت ميمي جمال واقعة غريبة كادت أن تتسبب في طلاقها وقالت: "حسن كان بيغير عليا بدون ما يحسسنى، و مرة فى المسرح مسرحية "دو رى مى فاصوليا" ، كنت لابسه سواريه، وواحدة زميله ربنا يسامحها، قالتله مش شايف ميمى بتلبس ايه فى المسر ، فلقيته داخل عليا المسرح و بعد العرض قال لى انتى على طول بتلبسى كده لازم الفستان يتغطى بشال".

وأضافت: “كنت مزنوقة فى العرض وملحقتش اجيب الشال وهو عرف انى ما لبستهوش وقال لى كده مش هينفع نكمل مع بعض لانى قولت حاجة وانتى ما نفذتيهاش، بعد ٣٠ سنة جواز، و ساب البيت وبقى يبات عند سمير خفاجة”.

وتابعت: "وانا عملت الشال للفساتين، وكلمت سمير يقوله ميمى عملت اللى انت عاوزه واتصالحنا وحسن مكانش عنده نزوات ومكنش بيعمل حاجة غلط وأنا كنت بثق فيه".

آخر أعمال ميمي جمال

وكانت آخر أعمال ميمي جمال، في رمضان 2023 في مسلسل "علاقة مشروعة"، من بطولة ياسر جلال ومى عمر وداليا مصطفى ومراد مكرم، بسنت شوقى، عفاف مصطفى، ياسمين رحمي، وردشان مجدى، وعدد آخر من الفنانين، والعمل من تأليف سماح الحريرى وإخراج خالد مرعى وإنتاج مشترك بين شركتى "Forever Drama - مها سليم" و"media Hub – سعدى جوهر".